Вести


Изложба на фотографии – ДМФ 2019

Фото сојуз на Македонија објавува „ Изложба на фотографии – ДМФ 2019 “

На 21ви јуни во НУ Уметничка галерија „ Безистен“ во Штип со почеток во 21,00 часот , ќе биде претставена изложбата од последните 57 ми „Денови на македонска фотографија“ . Љубителите на добрата фотографија од Штип ќе можат да ја видат, специјално за нив репризирана поставката од последните ДМФ кои оваа година се одржаа во Прилеп. Фото сојузот на Македонија во соработка со двата клуба ФК „ Ванчо Прке “ и ФК „ Широк агол “ и подршка од Локална самоуправа на градот , прави исклучок и за првпат изложбата ја носи во Штип . Ќе ни биде особено задоволство да присуствувате на претставувањето на најдобрите фотографии и автори од Македонија .

57ми „Денови на македонска фотографија“ 2019

Изложба на фотографии „ Јапонија “

Дејан Колевски Кандидат мајстор на Фото сојуз на Македонија со својата изложба на фотографии „ Јапонија “ имаше успешно претставување пред скопската публика . Галеријата на НЛБ Банка станува вистинска место за посета на љубителите на добра фотографија. Така беше и овојпат .

Повеќе »

Резултати од ДМФ 2019

 

Резултатите од жирирањето за 57мите „ Денови на македонска фотографија “ 2019 одржано на 13 април 2019 во Центарот за култура „ Марко Цепенков “ во Прилеп.

Повеќе »

„Моменти“ за ФИАП Колор Биеналето

Уметничкиот совет во состав Боро Рудиќ Мајстор на фотографија на ФСМ , Цветан Гавровски Мајстор на фотографија на ФСМ и Владимир Арсовски , исто така  Мајстор на фотографија на  на Фото сојуз на Македонија ја комплетираше колекцијата со наслов „ Моменти “ за ФИАП Колор Биеналето што ќе се одржи во Шпанија . УС се обиде да направи компактна целина од вашите фотографии. Дел од фотографиите кои имаа висока вредност, за жал неможеа да бидат вклопени во овој концепт. Благодараност до сите за учеството и честитки до авторите на примените фотографии. Да си посакаме среќа со надеж дека ќе освоиме заслужено високо место

Благоја Дрнков (Скопје, 1914 – Скопје, 31 јануари 2012)

На денешен ден починал Благоја Дрнков (Скопје, 1914 – Скопје, 31 јануари 2012), доајен на македонската документаристика и неприкосновен уметник во фотографското мајсторство. Како што се наведува во образложението за наградата Медал за заслуги за Македонија: „Во историјата на македонската култура на 20 век, Благоја Дрнков создаде неизмерен опус од повеќе од 40.000 фотографии со кои тој стана личност која е истовремено и институција. Неговата естетика зрачи со духот од моментите и ситуациите. Неговите фотографии се преполни со детална и возвишена живост, а тоа е априори заради неговата високо естетска мотивација.“

Повеќе »

Изложба по повод 20 годишниот јубилеј

Од името на членовите на Фото клубот наотварањето на изложбата по повод 20 годишниот јубилеј , се обрати Ѓоко Симјаноски :

Имам особена чест и задоволство, во името на председателот на фото клубот ОХРИД, Димче Коруноски- кој е оправдано отсутен, да кажам неколку зборови на отворањето на традиционалната изложба на фото клубот, која оваа година се одржува по јубилеен 20 пат во предвечерието на големиот празник на нашиот град, патрониот празник „Св. Климент“.Ова обраќање кон вас ќе го започнам со цитатот од текстот кој е сместен во каталогот од годинешнава изложба а во кој се говори за создавањето на фото клубот Охрид.

Повеќе »

Собрание на ФСМ 2018

Собрание на ФСМ 2018

Почитувани, на последната седница одржана на 18.11.2018 година во просториите на АМСМ во Скопје, Собранието на ФСМ со кое раководеше претседателот на ФСМ Боро Рудиќ донесе повеќе одлуки. Собранието на ФСМ го прифати мислењето на Уметничкиот совет за доделување звање „Мајстор на фотографија на ФСМ“ на Владимир Арсовски и „Кандидат мајстор на фотографија на ФСМ“ на Дејан Колевски. Собранието, исто така, го прифати барањето за прием во Фото сојузот на Македонија на Фото клубот “Широк агол„ од Штип.

Повеќе »

Денови на македонската фотографија 2018

56 тата Државна изложба на фотографии „ Денови на македонска фотографија 2018“ оваа година се одржа во Тетово, по 23 години од последната ваква манифестација во овој град. Од 9ти до 14ти јуни, во „ Уметничка галерија Тетово“ беа изложени делата на примените и наградените автори. Во склоп на манифестацијата е и изложбата „ Актуелен момент во македонската современа фотографија“ во Галерија на НЛБ Банка во Скопје која се одржа од 30 ти август до 9ти септември . На истото место од 10ти до 20ти август членовите на Фото клубот ЕЛЕМА за првпат пред македонската публика се претставија со својата изложба „ЕЛЕМА Монохроматик“ која веќе беше прикажана во повеќе земји.
Повеќе »

Арсовски фотографии