Во центарот за визуелни уметности Батана во Ровињ, Хрватска  во петокот, 10.08, беше отворена изложба фотографии на македонскиот фотограф, Душан Доцевски  под наслов Hand Prints.

Улични сцени, портрети, човечки раце и пејсажи се основните мотиви со кои Доцевски се претстави пред Хрватската публика.

Доцевки користи аналогна технологија и работи црно-бела фотографија на која доминираат портрети на безимени луѓе од улица, отисоци на човечки раце и пејсажи со испукана, сува земја; преку кои авторот сака да ја покаже загриженоста за иднината на човештвото поради глобалното затоплување и загадувањето на животната средина.