Фото групата „Чкрап!“ од Тетово, секој декември организира изложба на фотографии на своите членови. Еве, веќе деветта година по ред (за наши услови тоа е завидна традиција), на тетовската и на македонската публика свои фотографии, снимени главно годинава, ќе и се претстават околу 15-ина фотографи. Изложбата нема натпреварувачки карактер. Темата е слободна. Секој автор има неограничена слобода на изразување на своето видување во фотографијата. Нема ограничување во форматот, бројот на изложени дела, техниката која се користи…
Традиција е на секоја изложба да им се дава шанса на фотографи кои до сега не изложувале, секако ако нивните дела ги задоволуваат критериумите на „Чкрап!“. Така и годинава.

Изложбата ќе биде отворена на 15 декември 2012 година (сабота) во 19.00 цасот, во Центарот за култура „Иљо Антески – Смок“ во Тетово.

Андреа Ѓорѓески - e_1

Гоце Димитриевски - Loneliness1

Фото групата „Чкрап!“ Ве поканува, доколку сте во можност да дојдете во Тетово на нашата изложба, да ги погледате фотографиите и да размениме неколку зборови околу нашата заедничка тема на интерес – фотографијата.

Убав вовед за изложбата на нивниот блог