Фото кино клуб ВИДИ, НУЦК Кр. Паланка од Крива Паланка и Фото кино клуб КОЗЈАК од Куманово срдечно Ве покануваат на свеченото отворање на меѓународната изложба на уметничка фотографија SOUL, односно ДУША 2013. Свеченото отворање ќе се одржи на 22 февруари 2013 година во 19 часот во НУЦК Крива Паланка.

На изложбата која ги доби патронатите од сите светски фотографски федерации, пристигнаа 5174 од 520 автора од 64 земји, што претставува своевиден рекорд на македонската фотографска сцена. Сите пристигнати фотографии се со специјални културни карактеристики кои ја направија изложбата со висок артистички квалитет, а за наградите и за поставката одлучуваше стручно и еминентно жири.

Уште еднаш ве покануваме да го посетите свеченото отворање на 22 февруари во 19 часот и заедно да ја проследиме поставката на наградените и најдобрите пристигнати фотографии.