На ден 21.06.2014 во Велес со почеток од 20.00 часот, ќе се случи заедничка изложба на уметнички фотографии со наслов „Заедно“ помеѓу автори фотографи од ФКК Чкрап од Тетово и автори фотографи од ФКК Битола.

Кога ќе се направи регресија за идејата што ја задвижи целата работа ќе се дојди до една тетовска кафана, неколку луцидни карактери на задожителна дружба после секоја изложба, по некоја остварлива идеја меѓу неостварливите и неколку добри луѓе од Велес и Кавадарци, спремни да ги реализираат истите.

Нормално како и за се друго кај нас, зеде време додека се изведе целата работа, но сега сме тука „Заедно“ во Ликовниот салон кој е во склоп на Народниот музеј од Велес, повелете.