Фото група „Чкрап!“ од Тетово. Ова чудно име („Чкрап!“), веќе подолго време е препознатлив „бренд“ во фотографските кругови во Македонија.
Но, што е тоа? Фото клуб, Здружение на граѓани кои се занимаваат со фотографија?
Група составена од луѓе кои со фотографијата му се инаетат на овој тежок век за живеење?
Уметници, фотографи или случајни „чкрапачи“ на кои врв им е збирот на лајкови на фејсбук или Инстаграм? Или, можеби индивидуи „манијачки“ посветени на овој волшебен медиум – фоторафијата?
Веројатно од се ова по нешто.
Од 2003 година до оваа, 2015 година, низ „Чкрап!“ од Тетово и на традиционалните годишни изложби поминаа и свои фотографии на јавноста им покажаа преку 80 фотографи. И тоа, не само од Тетово. Нив ги има и од други градови во Македонија. Ги има и од странство.
Во „Чкрап!“ фотографите доаѓаат и одат. Некои остануваат. Многу демократична група, оваа, „Чкрап!“. А, тоа беше и целта од основањето. Апсолутна слобода. Слобода на творештвото и личниот израз. Пуст остров во, се повеќе, неслободниот свет. Се состануваат ретко. Секагаш (на некој начин), сепак се заедно. Прават различни фотографии. По формат, по содржина, по квалитет. Фотографиите ги прават за свое задоволство, но ако тие некому се допаѓаат, тоа е бонус. А, за годишните изложби на „Чкрап!“ секогаш има голем интерес.
Годинава „Чкрап!“ ја одржува својата традиционална годишна изложба по дванесетти пат. Убава бројка. На изложбата ФОТОГРАФИИ 2015, 16 фотографи со вкупно 46 фотографии ќе и се претставт на верната публика. Како и секоја година, има нови членови, кои за првпат настапуваат со „Чкрап!“. Знам сигурно, дека тоа го прават со големо задоволство.
Драги Неделчевски, октомври, 2015, Тетово.
***
Фото групата „Чкрап!“ е член на Фото сојузот на Македонија.
Дипломи за постигања во фотографијата според правилникот на ФСМ, годинава ќе добијат:
Фото групата „Чкрап!“ е член на Фото сојузот на Македонија.
Дипломи за постигања во фотографијата според правилникот на ФСМ, годинава ќе добијат:
1. Ана Андонова – Ф3 ФСМ
2. Ханис Багашов – Ф3 ФСМ
3. Борче Сиљјаноски – Ф3 ФСМ
4. Александра Новеска – Ф2 ФСМ
Место и време на отворање на изложбата:
НУ Музеј на тетовскиот крај – Тетово, 9 октомври 2015 година во 20.00 часот.
Изложбата ќе биде отворена 10 денови од 08.30 до 16.30 часот, секој работен ден.
Со оваа изложба се одбележува и денот на македонското востание – 11 Октомври.
12-та годишна изложба на фотографии на Фото групата „Чкрап!“
ФОТОГРАФИИ 2015
16 фотографи
46 фотографии
Фотографи за 2015:
01. Ханис Багашов
02. Ана Андонова
03. Зоран Андонов
04. Ani Schmetterling
05. Драги Неделчевски
06. Борче Сиљјаноски
07. Андреја Ѓорѓески
08. Зоран Шекеров
09. Канун Даци
10. Александар Кондев
11. Петар Аговски
12. Жаклина Степаноска
13. Александра Новеска
14. Гоце Матески
15. Боби Дојчиновски
16. Давор Спасоски
