Архива на авторот: FSM

Во текот на минатата недела, во склоп на патувачката изложба World Press Photo, се одржа работилница за Документарна фотографија предводена од Роберт Јанкуловски.

На работилницата учествуваа 12 фотографи, а нивните документарни фото-стории можат да се погледнат во просториите на Мала станица, поставени паралелно со самата World Press Photo изложба.

На работилницата учествуваа: Тамара Данческа, Кастриот Пашоли, Елена Илиеска, Розалинда Трајковска Илиевска, Сашо Н. Алушевски, Вероника Трпкоска, Татјана Ранташа, Евдокија Николова, Александра Најческа, Роберт Блажевски, Валентина Н. Чапова и Орце Поповски.

Изложбата е отворена до 28.06.2012, кога и World Press Photo ќе го продолжи својот пат кон Белград.

Нови фабулозни стории, прекрасни носталгични и футуристички концепти во новиот број на генијалниот Блур магазин.

Во програмата на Скопско лето, покрај Деновите на македонската фотографија, се поставуваат уште две фотографски изложби.

Во понеделник, 2 јули, во Чифте амам, со почеток во 20:30 часот ќе биде отворена групната изложба на фотографии со наслов F9. Карактеристична по тоа што ќе претстави само женски автори од Македонија, ги опфаќа делата на: Маја Јаневска-Илиева, Јасна Суша, Мимоза Велиу, Татјана Ранташа, Ива Димеска, Фросина Илиевска, Маја Аргакијева, Ирена Мила и Катерина Ристовска – Николов.

„Со почетокот на овој век, со појавата на дигиталната фотографија, но и со длабоките социјални промени што го зафатија нашето општество, незабележително но со голем успех се појавија женски  автори, кој ги изненадија сите познавачи, како со спецфичниот  пристап кон мотивот, начинот на размислување, така и со богатата  емотивност. Задоволството е уште поголемо, со фактот, дека  работат во различни стилови, дека потекнуваат од различни средини, и дека професинално, директно или индиректно се поврзани со фотографијата, па покрај кретивниот аспект на женската фотографија сега го имаме и феноменот  на нивното влегување во професионалниот дел  од фотографијата кај нас, што беше  до скоро машки простор.

Фокусот на оваа изложба е ставен  на афирмирање на женската авторска фотографија, важна  за Македонија како културен процес, но и како  доказ дека жената се афирмира и станува равноправна и во овој сегмент.“ – за оваа изложба вели Александар Кондев, соработник на проектот.

Во Мала станица пак на 5 јули, со почеток во 20:30 ќе биде отворена самостојната изложба на Сања Николиќ-Бутерин насловена Урбан човек.

„Сања Николиќ-Бутерин е млад автор израсната во Фото клубот “Елема“ од Скопје, кој е скоро две децении водечки фото клуб во Република Македонија. По професија правник, по вокација уметник, во фотографијата најде простор каде на најуспешен начин  ги искажува  своите опсервации, емотивно  доживеани и исто така емотивно  прикажани како “слики“  на  светот кој ја опкружува. Скромна во амбицијата но силна и систематична во исказот, не внесува  во нејзината “имагинарна улица“, опкружена со градот и неговата атмосфера, испровоцирана од природата, обликувана во  светлината и прегрната од сенкита и формите кои таа ги создава. Таа “Градот“, “улицата“ и “луѓето“, ги прикажува лично доживано, како да ги познава долги години, како да се  дел од нејзиното духовно  семејството. Нејзината слика е едноставна,емотивна и топла,нејзината приказна  е пријателски настроена,а пораката  и е позитивна.“ – Александар Кондев

МакеДокс и Македонскиот Центар за Фотографија имаат чест и задоволство да ве поканат на отворањето на изложбата на македонски документарни фотографии, во петок, 15.06.2012, 20.00часот, Куршумли Ан.

На изложбата ќе бидат претставени триесетина фотографии од современите македонски фотографи: Огнен Теофиловски и Томислав Георгиев, како и омаж на Благоја Дрнков, доајенот на македонската фотографија.