Редакција

Почитувани автори и авторки, љубители на фотографската уметност, драги пријатели и пријателки. Ве покануваме на ретката можност заедно да ги прославиме јубилејните Денови на македонската фотографија. На изложбата ќе бидат претставени околу 120 фотографии од овогодинешната селекција како и ретроспектива во чест на Благоја Дрнков.

03. Јули, Мала Станица, 20.30 часот.

Повелете, заеднички да ги поделиме убавите моменти.

– – – – – – – – – – – – – – – – – – – – – – – – – – – – – – – – – – – – – – – – – – – – – – – – – – – – – – –

Почитувани,

Должни сме да ја проследиме информацијата дека манифестацијата Денови на Македонската Фотографија 2012 нема да се одржи во Кочани, во претходно најавениот термин, заради организациски пропусти и несоодветните понудени услови на приредувачот – градот Кочани.

Тековно се прават напори, ДМФ 2012 да се одржат во рамките на Скопско лето. Членовите на ФСМ како и сите автори и авторки кои учествуваа на манифестацијата ќе бидат благовемено известени.

Конечно Скопје e повторно дел од патувачката изложба на World Press Photo. Денеска, 7.јуни, со почеток во 20:00 часот, во Мала станица ќе биде отворена изложбата World Press Photo Exhibition 2012.

Изложбата World Press Photo е резултат на меѓународен конкурс на новинска фотографија кој се објавува секоја година.
На конкурсот за 2012 година биле пријавени 101254 фотографии од 5247 фотографи од 124 земји, а фотографиите ги оценува меѓународно жири составено од 19 членови.
Преку 161 наградени фотографии во девет категории до 28.јуни ќе бидат изложени во мултимедијалниот центар Мала станица.

Изложбата ја организира Македонскиот центар за фотографија во соработка со Национална галерија на Македонија и Амбасадата на Кралството Холандија.

Во сабота, 26. мај 2012 со почеток во 18:00 часот, во Кинотеката на Македонија предавање на тема „Фотографијата пред Дагер“ ќе одржи проф. др. Душан Стулик од Институтот за конзервација ГЕТИ, од Лос Анџелес – САД. Предавањето го организира Македонскиот центар за фотографија во соработка со Кинотека на Македонија.

Многу историчари на уметност кои ја обработуваат фотографијата, почетокот на фотографијата го сместуваат во 1839 година, кога Луј Манде Дагер го обзнани пронаоѓањето на дагеротипијата. Иако Дагер ја има заслугата за пронаоѓање на првиот комерцијално успешен фотографски процес, тој не може да се поврзе со првата идеја за фотографија ниту пак со првата фотографска слика.

Со ова предавање професор Стулик ќе се осврне на предисторијата на фотографијата оценувајќи го притоа придонесот на оние научници и филозофи кои со својата работа го овозможиле создавањето на овој медиум. Посебен акцент ќе биде ставен на работата на Жозеф Нисефор Ниепс како творец на првата сочувана фотографија во светот. Истовремено, со предавањето ќе биде опфатено и последното истражување на Институтот за конзервација Гети, со кое се откриени многу значајни факти за работата на Ниепс и Дагер, факти кои го менуваат нашето поимање на историјата на фотографија.

____________________________________

Професорот Стулик е виш конзерватор на Институтот за конзервација ГЕТИ. Се здобил со диплома и магистериум од областа на хемија како и диплома од историја на уметност на Универзитетот Чарлс, а докторирал во областа на физиката на Чешката академија за науки во Прага. Пред да стане член на институтот ГЕТИ, д-р Стулик бил професор по хемија на Вашингтонскиот државен универзитет како и вонреден професор на Универзитетот Корнел.

Тој е конзерватор на првата фотографија во сватот; автор е и коавтор на неколку научни книги од областа на конзервација на фотографија и на повеќе од педесет менторски оценети статии од истражувачки карактер. Добитник е на неколку престижни награди за неговата работа поврзана со зачувување на културното наследство.

Изложба на подводна фотографија ќе биде отворена во петок, 25 мај, во 20 часот, во Народниот музеј Охрид – Куќа на Робевци.

Станува збор за 30-ина фотографии, фотографирани на различни локации во Охридското езеро, дела на нуркачите Никола Паскали и Александар Булевски.

Фотографиите ќе бидат достапни за публиката до 8 јуни.

Почитувани,

Во конструктивна атмосфера и дружба помеѓу бројни пријатели и љубители на фотографската уметност, во просториите на Кинотеката на Македонија, во саботата, 19.05.2012 година, се одржа жирирањето на овогодинешниот празник – јубилејните 50^ти Денови на Македонската Фотографија 2012. Од навистина изненадувачки зголемениот интерес, особено од млади како и независни автори и авторки, жирито имаше тешка задача да избере стотина фотографии кои ќе ја претставуваат овогодинешната поставка. Фото сојузот им честита на сите учесници на овогодинешниот празник на нашата фотографија. Тука, можете да ги погледнете резултатите од жирирањето.

Фотографии од нашиот Охрид, во организација на Pro Art & Co од Лондон, Mag-Culture & Experience од Скопје и Општина Охрид, од 21 до 28 мај 2012 година, во позната галерија „Old Chelsea Town Hall, Library’s Gallery“, (Kings Road, London SW3 5EE) во Челзи, стар дел на Лондон, ќе се одржи изложба на фотографии на природното и културното наследство на Охрид.

Изложбата, на која ќе бидат поставени педесетина фотографии, веќе се промовира во британската јавност. Печатен е каталог за изложбата, а информација е објавена и на веб страницата на галеријата.

Драги наши, објавени се TIPA (Technical Image Press Association) наградите.  Веруваме дека не е потребен некој посебен вовед или објснување. Резултатите се очекувани, интересно е да се погледнат промените кај мониторите и „борбата“ меѓу титаните Canon и Nikon, чиј што исход можеби ќе изненади многумина. Повеќе.

Шведскиот студент Виктор Јохансон е победник на првиот натпревар за најдобра студентска фотографија организиран од Гугл за серијата фотографии кои прикажуваат спортисти на тренинг, пренесува Би-би-си.
Нигел Хартс директор на галеријата Сачи изјави дека жири-комисијата која била одговорна за доделување на наградата била „ипресионирана од неодоливите и прекрасни фотографии“.

– Јохансон одлучил да ни покаже алтернативен начин на гледање на кој не сме навикнати во спортската фотографија и медиумите. Тој ни понуди навистина импресивни и неочекувани фотографии – изјави Хартс.  На натпреварот организиран од Гугл во соработка со лондонската галерија Сачи се пријавиле околу 20.000 студенти.