Именувана како „Настанување и исчезнување“ за прв пат пред скопската публика ќе се претстави мајсторот на фотографија, Боро Рудиќ, долгогодишен член на ФК Елема и актуелен претседател на Фото Сојузот на Македонија.
На изложбата ќе бидат претставени четириесетина фотографии во голем формат а на отворањето ќе биде промовирана и истоимената книга.
Изложбата ќе се отвори 18.02. 2015 година во Музеј на Град Скопје во 20.00 часот и ќе трае до 01.03.2015 година.
Честитки од редакцијата на ФСМ!
Фото групата Ф7 ве кани на отворањето на изложбата Куманово 2014. Четврток 25ти декември, 2014 година, во 19.30 часот, во Националната установа Центар за Култура „Трајко Прокопиев“ во Куманово.
Се гледаме на изложба!
Оваа година на 6 декември „ФКК Битола“ ја организира третата клупска изложба по ред. Во изминатиот период, клубот активно продолжи да се заложува за развојот на уметничката фотографија во нашиот град. Од сите активности кои клубот ги превзеде во таа насока, посебно се издвојува светската изложба на дигитална фотографија „Фото Фест Битола 2014“ под покровителство на сите поголеми фотографски асоцијации, со што се направи голем исчекор напред.
Годишната клупска изложба на ФКК Битола е ретроспективна, и опфатени се поголемиот број на фотографии кои се примени и наградувани на разни држави и меѓународни изложби на кои нашите членови редовно земаат учество и постигнуваат забележителни резултати.
Ќе ни биде чест доколку со вашето присуство ја збогатите нашата трета клупска изложба
ФК Охрид ги кани сите љубители на фотографската уметност на нивната традиционална изложба во чест на Свети Климент.
Во прекрасниот простор во куќата на Робевци, во срцето на стариот град, на седми декември, во 19.30 часот ќе се отвори поставката на црнобели фотографии на тема Охрид. Се гледаме!
Хрватскиот фотограф Стефан Лупино ќе има изложба во Галерија 8 – Безистен, во Старата скопска чаршија. Изложбата е закажана за 21 ноември во 21 часот.
Стефан Лупино е еден од нај познатите естрадн и моден фотограф од поранешните југословенски простори. Во златниот период на 70-тите и 80-тите години на минатиот век Лупино престојува во Америка во Њујорк. Препознат од големите издавачки куќи станува фотограф за познатите списанија и на нивните насловни страни се објавени негови фотографии, како: “Вог“, „Фото“, „Зум“, „Еуропео“, „Л’Еспресо“ и многу други светски часописи. Тој денес уште е актуелен фотограф во „Плејбој“.
Лупино покрај со фотографија се занимава и со скулптура и сликарство за кои критиката ке го наслови како правец „Лупинизам“. На оваа изложба публиката ќе може да погледне 30-тина фотографии само еден мал сегмент од творештвото на Лупино.
Фото Кино Клуб Битола Ве поканува на свеченото отворање на меѓународната изложба на уметничка фотографија „ФОТО ФЕСТ БИТОЛА 2014“ кое ќе биде во петок, 5 септември во 20.00 часот, во Завод и Музеј – Битола.
На конкурсот на меѓународната изложба „ФОТО ФЕСТ БИТОЛА 2014“ пристигнаа вкупно 5050 фотографии од 401 автор од 54 земји од целиот свет, со што стручното жири имаше тешка задача да избере и награди 83 фотографии со медаљи, дипломи и специјални признанија.
Подетално можете да се информирате на веб страната:
http://fkkbitola.com/photofestbitola/results.php
Почитувани,
Фото Сојузот на Македонија и Дирекцијата за култура и уметност на град Скопје, изразуваат посебно задоволство да Ве поканат на отворањето на изложбата на фотографии со наслов „ФОТОГРАФИ(И)“ од Драги Неделчевски, Ф1 ФСМ, во рамките на „Денови на Македонската фотографија“ и „Скопско лето“.
На изложбата ќе бидат презентирани 40 црно-бели фотографии – портрети од фотографи кои авторот ги фотографирал додека тие го фотографирале него, 40 портрети кои ги поврзува едно нешто: моментот и чинот на фотографирањето. Фотографиите (со мали исклучоци) се направени последниве 4 години (2010 – 2014). Во време на разни его трипови, за оваа изложба, на прв поглед, може да се помисли дека е уште еден „его трип“, овојпат на авторот Драги Неделчевски. Фотограф ги фотографира своите колеги, додека тие го фотографираат него. Но, под маската на уште една егоцентрична ескапада можеби се крие желбата да се загребе под површината на феноменот на фотографијата и нејзините автори – фотографите. Можеби некој фото-археолог од иднината ќе се запраша: Кои се фотографите (познати или не на авторот) кои се фотографирани? Со какви фотоапарати (техника), се фотографирало? Каков бил односот на фотографот кон чинот на фотографирањето? Ова се нешта кои, заглавени во нашето секојдневие, често не ги забележуваме. Најмногу затоа што фотографот најчесто е скриен позади фотоапаратот, а се гледа само фотографијата што тој ја снимил. Ова е можност да го видиме фотографот во главна улога. „Тоа се мали студии на човекот позади фотоапаратот. Нивните изрази, моментот на концентрација, чудење или воодушевување, дури и нивниот “алат“ – се нешта кои би можел да ги гледам со часови“, вели авторот Драги Неделчевски…
ФСМ, јули 2014 година
Почитувани,
Фото Сојузот на Македонија и Дирекцијата за култура и уметност на град Скопје, изразуваат посебосебно задоволство дека за прв пат во Република Македонија на нашата публика ке i биде презентирана Современата Бугарска фотографија, во рамките на реномираните културни манифестации “Денови на Македонската фотографија“ и “Скопско лето“ .
