Драги наши, ова е новост на наштата страница, а се надеваме дека ќе стане убава традиција. Галерија на дел од „најуспешните“ фотографии на членови на фото клубовите од Република Македонија, од годината што измина. Затоа што е новина, можеби и лесно ќе се наоѓаат маани, но да се обидеме да ги видиме убавите страни на истото. За нашата фотографска сцена можат да се слушнат разни замерки, основани и неосновани критики. Предлагаме да ги заборавиме за момент. Веруваме дека, кога вака се поставени фотографиите, на едно место, се добива и една поинаква, посериозна слика за нашата авторска сцена. Веруваме дека значаен дел од прикажаното ќе ве изненади, поттикне, заскокотка…
Галеријата е составена од фотографии кои биле претставени на некоја изложба, значи поминале некаква селекција и/или биле наградени. Фотографиите ги испраќаа клубовите кои самите ги избираа фотографиите, според дадениот критериум. Најголем дел од клубовите педантно си ја завршија работата. Онаму каде што имавме повеќе од бараните дванаесет фотографии, по случаен избор беа избришани дел од фотографиите, за да се дојде до фер третман кон сите клубови и автори. Веруваме дека следната година ќе имаме уште поголем број на потенцијални кандидати и од ова искуство ќе научиме како подобро да се преставиме меѓусебно.
Затоа што сето ова е од „нас за нас“.
Уживајте во Галеријата на дел од клупските фотографии кои ја одбележаа 2012 година. (прв дел – втор дел)
