Формуларот за учество може да го симнете овде.
Вести
ГОДИШНА ИЗЛОЖБА НА ФОТОГРАФИИ НА ФКК БИТОЛА 2015
На 11-ти Декември во изложбениот простор Магаза, ќе се одржи четвртата клупска изложба на „ФКК Битола“. Изложбата полека но сигурно прераснува во традиционална, со тоа што ако на почетокот беше предизвик да се анимира поголем аудиториум, денес, откако таа цел е постигната се наметнува предизвикот истиот да се зголеми. Организирањето на една ваква изложба сама по себе носи предизвици, не само во координирањето на 20-тина автори кои ќе излагаат свои фотографии туку и во настојувањето да се одржи квалитетот од претходните години како и истиот да се надмини.
Оваа година акцентот е ставен на помладите автори, кои се нова движечка сила во „ФКК Битола“ и кои низ активностите на клубот, неговите работилници како и со постојаната присутност во излагачката дејност во светот на фотографијата, веќе се градат како препознатливи автори чии дела освојуваат се поголем број на награди и признанија.
Современа словенечка фотографија
Во понеделник, 09.11.2015 година, во 20.00 часот, во НГМ – Чифте Амам ќе се отвори изложбата на фотографии, насловена како „Современа словенечка фотографија“. Организатор е Фото сојузот на Македонија, кој по поставката „Бисери на српската фотографија 1945-2000“, „Современа бугарска фотографија 2000-2015“ ја претставува оваа изложба пред македонската јавност. Пред македонската публика се претставуваат 38 современи словенечки автори со 62 фотографии, во избор на уметничкиот совет на Фото сојузот на Словенија. Повеќе »
Изложба на Александар Кондев
Ретроспективна изложба на Александар Кондев, во Чифте Амам, се отвора на четврти ноември, во 20.00 часот. Повеќе »
Кон ДМФ 2015
Неодамна се одржа завршната фаза од овогодинешните денови на македонската фотографија. Нивното 53то издание. Човек, особено ако има помалку години од самата манифестација, веројатно се подзамислува колкав товар и конотации носи самиот настан. Не верувам дека во нашава земја има манифестации кои се повеќе од прстите на рацете со толку долга традиција.
Изложбата се отвори во галерија во Куманово, како нов обид за децентрализација на културните настани од страна на ФСМ. Во голема мерка, целата логистика беше на грб на ФК Козјак кои чесно и мачно си ја завршија работата. Повеќе »
„Чкрап!“ ФОТОГРАФИИ 2015 x 12
Фото група „Чкрап!“ од Тетово. Ова чудно име („Чкрап!“), веќе подолго време е препознатлив „бренд“ во фотографските кругови во Македонија. Повеќе »
Меѓуклупска изложба на фотографии
Меѓуклупска изложба на фотографии
Куманово 2015
Календар на изложбата:
Краен рок за прием на фотографии: 26 септември 2015
Изложба: 15 октомври 2015
Организатор: Организатор на изложбата е фото група Ф7 од Куманово во соработка со НУЦК “Tрајко Прокопиев”-Kуманово, Народна Техника-Куманово и Гимназија Гоце Делчев-Куманово.
Правила за учество:
-Право за учество имаат сите членови на Фото Сојуз на Македонија, кои
имаат платено чланарина и членуваат во клубови.
-Максимален број на фотографии за учество е 4.
-Најмал формат за учество на изложбата е (20х30),а најголем (30х40)
Тема:Слободна
Селектор:Селектор на изложбата е Цветан Гавровски Fiap Lo, МФ ФСМ
Изложбата е по повод 5 години од формирање на фото група Ф7 од Куманово.
Изложбата не е од натпреварувачки карактер.
Покровител на изложбата: Министерство за култура.
ДМФ 2015 – резултати
Почитувани,
На линковите подолу можете да ги видите резултатите од овогодинешното жирирање на Деновите на Македонската Фотографија, кое се одржа во Кинотеката на Македонија, на 05.09.2015 година. Повеќе »
Меѓународен салон на уметничка фотографија САЛОН 2015
Фото клуб Козјак ве кани да учествувате на:
Меѓународен салон на уметничка фотографија САЛОН 2015
Секции:
СЛОБОДНА (монохром)
СЛОБОДНА (колор)
ПРИРОДА
ЛАЈФ
ПРАВИЛА ЗА УЧЕСТВО: ЛИНК
ПРИЈАВА: ЛИНК
Дејан Ангеловски
Претседател
PCC Kozjak
P.O. Box 33; 1300 Kumanovo; Macedonia
email: pcckozjak@gmail.com
web: www.kozjak.mk
ГОЛЕМ УСПЕХ НА МАКЕДОНСКАТА ФОТОГРАФИЈA
Почитувани,
УНЕСКО оваа година ја прогласи за година на светлото. Фотографијата е уметност на светлото. Македонската фотографија која на овие простори постои скоро 170 години, и покажува дека талентот, работата и упорноста секогаш даваат резултати, а добрите фотографии остануваат како дел од визуелното паметење на овој народ.
Фото сојузот на Македонија 69 години е асоцијација која непрекинато до денес ги организира фотографите и клубовите во свјата творечка работа.
Извршниот одбор има задоволство да констатира дека клубовите и авторите од Македонија со своите дела добиваат афирмација несамо во нашата земја туку и во странство.
Најновата вест од Индонезија е – на 28th FIAP PROJECTED IMAGES BIENNIAL, Македонската колекција освои 9то место и Диплома, за прв пат во своето постоење, што е показател за нивото на Македонската фотографија и за успешноста на Фото Сојузот како нивна асоцијација.
Ова место и Диплома треба да ни даде потик и енергија да продолжиме со работата и со ангажманот во клубовите и Сојузот, за да го задржиме овој тренд и високо реноме.
Уметничкиот совет и Извршниот одбор на Фото Сојузот на Македонија им благодари и им честита на Авторите на фотографиите од оваа колекција и се надева дека и во наредниот период вака ке се продолжи.
И втората колекција, /Младинската, автори до 21 година/ на Фото Сојузот на Македонија го освои деветото место на 37th FIAP YOUTH DIGITAL BIENNIAL одржано во Србија, и само за 3 бода не ја освои Дипломата на ФИАП.
Ова е доказ дека подмладокот на Сојузот ветува со својот талент и работа, и дека ќе очекуваме од нив во иднина да созреаат и творат дела достојни да ја преставуват Македонската фотографија и култура насекаде во светот.
Уметничкиот совет и извршниот одбор на Фото Сојузот, им честита на младите автори како и на клубовите од кои потекнуваат.
Посебна благодарност до клубовите бидејки само со организирана и стручна едукација во нивна рамка , ќе имаме вистински членови кои достојно ќе ја продолжат 170 годишната традиција на фотографијата на ова тло.
Претседател на ФСМ
Боро Рудиќ
