Во петокот, 04.05.2012, во Универзитетската библиотека во Марибор, Словенија беше отворена изложба на фотографии од Фото клубот Елема од Скопје со наслов Elema monohromatic. Во годината кога Фото клубот Елема слави 50 години од своето постоење, тој се претстави со 30тина дела од своите членови, во европскиот град на културата за 2012 – Марибор.
.jpg)
На 3ти мај во просториите на Кинотеката на Македонија , пред Скопската публика беше претставена Колекцијата на фотографии од Фото клуб “Марибор “ – Словенија, под името “ФОТОГРАФИ“.
Истовремено, во Марибор се отвори Изложба на фотографии на Фото клубот “Елема“ од Скопје, како најекспониран клуб од Република Македонија. Бидејки рејтингот на Фото клуб Марибор е на високо место во Словенија, а посебно фотографската традиција што Марибор ја има уште од почетокот на 20 век, овие две изложби на некој начин се и показател за современите тенденции во фотографијата на Словенија и Македонија. Повеќе »
Нашата фотографка Сања Бутерин, има самостојна изложба насловена како Улични приказни. Изложбата е отворена на 30 Април, во Сисак, во галеријата Siscia obscura. Повеќе информации имате овде
Малкумина знаат дека иконата на играниот филм од ХХ век, Stanley Kubrick, пред да стане режисер се занимавал со фотографија. Не само што се занимавал, туку и бил позната фоторепортерска ѕверка. Ако се знае овој факт, тогаш и полесно се разбира неговата манијакална посветеност на кадарот во неговите филмови, на опремата која ќе се користи, на видот и аранжманот на светлото. Подолу имате галерија на негови репортерски фотографии, изработени во 1949 година, за магазинот Look, од каде што го испратиле во во Чикаго, да направи фотографии за сторијата со наслов „Чикаго, град на контрасти“.
Галерија
Претходно изве
стувавме дека се зборува за банкрот на Кодак, сега веќе тоа стана извесно. Не знаеме дали некои негови производни линии ќе преживеат, но секкао со носталгија ќе се сеќаваме на неговите емулзии.
Кодак, односно неговиот креатор и сопственик George Eastman се одговорни за „популаризацијата“ на фотографијата, што во превод, од наш агол донесе во денешно време до крајна девалвација на медиумот, а на јазикот на компанијата едноставно до профит – не издржаа во борбата во која можеби беа и првите пионери.
Во чест на Кодак, и покрај горенаведеното, несомнено заслужен и за тоа што ние ова го пишуваме а и вие го читате, заслужен за развојот на фотографијата воопшто, ви нудиме една галерија од првите рекламни кампањи за Autographic Kodak Camera, 1914-1932.
И уште една галерија, на разни култни икони од Кодак .
Почитувани,
Ја имаме честа и задоволството да ве поканиме на изложбата фотографии од Фото клубот Марибор, Словенија, чие отварање ќе биде на 03. Мај 2012 во 20:00 часот во Кинотеката на Македонија.
На изложбата насловена “фотографи” ќе бидат претставени најдобрите остварувања на членовите од Фото клубот Марибор, еден од најстарите и највлијателните фото клубови во Словенија, а изложбата ќе ја отвори Амбасадорот на Р. Словенија г-динот Ален Брајан Бергант. Воедно ве известуваме дека Фото клубот Елема од Скопје на 04.мај.2012 ќе се претстави со фотографии од своите членови во Универзитетската библиотека во Марибор. Тоа е голема чест за Елема, во годината кога слави 50 години од своето постоење, да се претстави во европскиот град на културата за 2012 – Марибор. Ќе ни биде задоволство доколку со вашето присуство дадете поддршка на оваа културна размена и на нашите заложби за соработка со фото клубови надвор од Македонија и го најавите и медиумски го покриете овој настан. Повеќе »
Драги наши, еве една автентична содржина, со која держиме чекор со глобалните трендови….
Веќе помина еден месец одкако ја имам во рака мојата нова „играчка“: Nikon D4, па веќе можам да ги кажам моите лични впечатоци за овој нов DSLR од еден од водечките производители на фотографска опрема. Морам повторно да повратам дека во овој „есеј„ нема да има технички податоци за апаратот, туку мое лично видување за него како алатка за фотографирање. Впрочем тој што ќе го чита овој текст сигурно веќе ги „обработил“ сите статии по светските сајтови каде што се наброени во безброј верзии техничките карактеристики на овој „убавец“. Морам уште да напоменам дека према овој уред бев многу критички настроен! Зошто? Да почнеме од почеток!
Ова драги наши не уверува во вредноста на медиумот кој сите го практикуваме, на сајтот на ВВС, се најдоа ретки фотографии кои ја покажуваат првата концепт-лизгалка, нешто што во денешно време е секојдневие. Веројатно да не постоел фото апаратот, тешко ќе можевме да се внесеме во таа сцена на начин на кој овие неколку фотографии ни овозможуваат. Уживајте.
Екстремниот широко
аголен и редок објектив 6mm f/2.8 Fisheye-Nikkor, за кој се тврди дека „гледа позади себе“ односно има агол на покривање од 220 степени, произведуван само по нарачка, од време на време се појавува на интернет аукции и сајтови за продажба. Едно време го имаше како сомнителна понуда на e-bay, за скромни 34 000 долари. Во совршено добра состојба, цената од насловот важи, погледнете.
Македонската колекција на 31вото ФИАП биеале го зазеде 19тото место. Колекцијата која ја состави уметничкиот совет на ФСМ можете да ја видите овде. Линк до сајтот на ФИАП со сите колекции кои учествуваа – овде
