Деновиве се случува едно, барем на хартија интересно собирање, Аспекти на балканската фотографија, Солун 2012. Има интересни изложби, средби, излагања. Дури има и, колку што успеавме да видиме и еден претставник од Македонија.
Самото случување има некоја доза на контроверза или недоволна сериозност во пристапот, но тоа можеби и се должи на грчкиот однос кон странските јазици и не така добро подготвената веб презентација. Пресудете сами…
Иако веројатно на повозрасните терминот самит ќе им поттикне некои поразлични асоцијации кога е собиранка на луѓе од бившите југословенски простори, секако дека ова е една интересна форма на контекстуализација на соверемените фотографски текови. Повеќе »
Македонската современа фотографија преку работата на 31 автор и 45 изложени дела, ќе се претстави утре пред хрватската публика.
Изложбата насловена „Современа Мiакедонска фотографија“ ќе биде отворена утре, 25.09.2012, во 20:00 часот во галеријата Принципиј во Ријека, Хрватска, а ќе ја отвори почесниот конзул на Р.Македонија во Хрватска Горан Калоѓера.
Изложените фотографии се избор на уметничкиот совет при Фото сојузот на Македонија, кој преку оваа селекција сакаше да ја презентира фотографијата во Македонија денеска, но и работата на авторите од разни генерации, кои работат самостојно или како членови на фото клубовите, како и мотивите и идеите кои авторите најчесто ги преокупираат.
„Овие 45 фотографии се силно поврзани и вмрежени со изворната праисконска идеја на фотографијата. Го имаат уловено животот или ситните нешта кои животот го прават поубав. Дали е тој живот фатен на улица, во од, или е режиран според магичната снимателска имагинација на авторот и преточен во трајна фотографска слика, на крајот не е воопшто битно. Творечките патишта на авторите се различни, а методиологиите силни и со силен личен печат. Резултатот на овие индивидуалности е актуелна и современа фотографија, која со самиот чин на избор од страна на стручното тело се престорува во историски факт и по овој автоматизам преминува во архивски материјал. Не само архивски материјал, туку добива значење на културно добро бидејќи ја претставува фотографската работа на една земја. Духот и свежината од непосредноста на овие фотографии силно се чувствува…“ во каталогот за изложбата ќе каже проф. Борислав Божиќ.
Повеќе информации на: http://photori.org/photori/suvremena-makedonska-fotografija/
Поздрав,
www.fotosojuz.mk
Жешките есенски новости во трката на пазарот на дигитални СЛР камери се вшештува до усвитување пред годинешнава Фотокина! Nikon го најави својот D600 а Canon новиот 6D! И двете камери се со слични перформанси. Наменети за горе-долу „сличен профил“ на напредни корисници. И двете камери се со слични контроверзи. И двете камери имаат напредни функции од поамбициозните тела на нивните постари „браќа“ како и доза на „безобразлук“ во тенденцијата на подигнување на цената на оваа класа на дигитални фото-апарати. Погледнете ги спецификациите:
Nikon D600 иCanon 6D
Canon се бори со конкуренцијата која веќе е етаблирана на пазарот со ваквите ситеми. Оваа камера не нуди нешто особено револуционерно. За оние кои имаат фетиш кон брендови, ова може да е добра џебна замена за теглите со голема маса, за не така амбициозни снимања.
Уште едно шушкање за нова камера од 2800 $ ? Апаратот има привлечен изглед и по него може да се заклучи дека се лакта со Fuji и Panasonic перјаниците.
За сите корисници на Canon опрема, ова се поновите шушкања околу новите модели со кои Canon се обидува да се врати во трката на дигиталниот пазар, односно да го завземе местото кое го имаше до пред некоја година. Погледнете ги предвидувањата за старо-новите системи на следниов линк:
Информација за сите автори и авторки од Скопје кои испратиле фотографии на Денови на Македонската Фотофрафија 2012. Фотографиите и каталогот од изложбата можете да ги подигнете од просториите на Фото Сојузот на Македонија, секој работен ден од 10 до 15 часот. Напомена: Наведеното важи само за авторите и клубовите од Скопје. Останатите пакети се пуштаат по пошта. Доколку имате дополнителни прашања и коментари слободно пишете на fotosojuz.mk@gmail.com
До следните Денови на Македонската Фотографија!
Без потреба од посебна најава. Електронскиот магазин кој станува се подобар и подобар. Еве го 27миот број, пред вас.
