Вести

Фото клуб Лесковац ги повикува сите заинтересирани фотографи на Третиот Самит на Фотографи од бивша Југославија кој ќе се одржи во Лесковац, од 10 до 13 октомври 2013 година. Повеќе »

Реномираниот француски фотограф Жереми Бишолц ќе престојува во Скопје за да реализира изложба на фотографии за Скопје, која ќе биде поставена во чест на четириесетгодишнината од постоењето на Францускиот институт во Скопје, од 8 до 16 септември 2013.

Како независен уметник фотограф, Жереми Бишолц живее и работи помеѓу Бордо и Париз. Најпрво студирал историја на уметност и ликовна уметност, а потоа и фотографија и историја на фотографијата, со суб-специјалност познавање на фотографијата на филм и дигиталната фотографија.

Паралелно со професионалната кариера, тој работи и репортажи за издаваштвото, изложби и фотографија за специјализиран печат на тема луѓето и нивната околина, културно-историското-наследство, архитектура и урбанизам и современа уметност. Зел учество во изработката на дванаесет книги на тема архитектура и урбанизам, како и во изработката на четири дела кои ја обработуваат поврзаноста на културно-историското наследтсво на земјите и гастронимијата.
Реализирал изложби во Франција, Кина, Ирска, Летонија, Полска и Канада.

На 19 август во 20:00 часот, во просториите на галеријата Графички колектив во Белград, ќе биде отворена изложбата фотографии на Зоран Ивановски, со наслов Моите вечни пријатели – Стените на Трескавец.

Пред белградската публика ќе бидат изложени 30тина фотографии со портрети на стените од околината на Трескавец. Фотографиите на изложбата се резултат на повеќегодишни истражувања на природата на стените и на себеоткривањето на авторот во нив.

„Секое одење на Трескавец за мене е нова радост и возбудување од средбата со стените – моите вечни пријатели. Да, чест и привилегија  ми е да сум во нивно друштво, во друштво на вечноста, да бидам повремено дел од нив. Секоја нова средба со нив е ново доживување затоа што моите пријатели се побогати со секој нов дожд, снег, со секој нов ден. И така се додека се изненадувам, откривам нешто ново во нив, јас ќе се молам да бидам во нивното друштво, во друштвото на Моите вечни пријатели.“ – за своето творештво вели Ивановски.

Во недела на 4-ти август со почеток во 11.00 часот во Малата сала на Центар за култура – Битола, ќе се одржи стручно предавање/работилница од областа на кинематографијата со Проф. Горан Наумовски од ЕСРА – Скопје, во организација на Фото Кино Клуб Битола, а во склоп на фестивалот Бит Фест 2013.

Присутните ќе имаат можност да се запознаат со визуелна перцепција, теоретски аспекти на филмската слика, начин и константи на гледање на нашето око, разлики помеѓу фотографијата и реалноста, помеѓу филмот и фотографијата, потоа актерски портрет, светлина, боја, светлосни позиции, анатомија на човечкото лице изразено преку светлото и сенката.

По читањето на карактеристиките на новиот декстоп на МАС, веројатно многумина од нас ќе зажалат зошто немаат 5 бубрези па четири да ги дадат на оглас….

Повеќе »

Откако и во пракса проверивме дека со солидно направен паметен телефон може да се направи фотографија со пристоен квалитет за печатење веројатно се повеќе ќе имаме вести од овој тип. За многумина неверојатно и неитересно, но, еве, излезе телефон со камера која има 41 мегапиксел.

Повеќе »

Кинескиот институт за оптика и електроника развил камера од 100 мегапиксели. Кинеската Академија на науки тврди дека наведениот институт развил камера со најголем број пиксели. Наречена ИОЕЗ-Канбан и снима видео со димензии 10.240 x 10.240 мегапиксели, може да снима во услови од минус 20 до плус 55 степени целзиусови, што, мора да признаеме се карактеристики кои се за секоја почит. Со димензии нешто помали од 20 х 20 х 20 сантиметри, висока осетливост и динамички опсег, можеме само да чекаме дали ќе развијат некоја верзија која ќе биде за општа комерцијална употреба. ИОЕЗ-Канбан (самото име кажува дека не е за општа комерцијална употреба 🙂 засега би се користел за мапирање, урбано планирање и мониторинг во случај на елементарни непогоди.

Драги наши, подолу можете да ги погледнете галериите од неколкуте настани кои ФСМ ги организираше ова лето.

Галерија на фотографии од отворањето на ДМФ 2013, фотографии на Александар Михајловски

Галерија на фотографии од отворањето на изложбата Бисери на српската фотографија

Галерија од фотографиите кои беа изложени на настанот Мојот град низ слики

Галерија од местото на изложбата од Сандра Новеска